Ein gwaith gydag ysgolion yng Nghymru

Cynllunio teithio llesol i’r ysgol

Mae’r fenter hon yn rhoi’r holl gefnogaeth sydd ei hangen ar eich ysgol i ysgrifennu cynllun teithio llesol ar gyfer eich ysgol.

Datblygwch gynllun cryno i wella mentrau teithio llesol eich ysgol, gan greu amgylchedd hapusach ac iachach i gymuned yr ysgol.

Cewch fynediad at gyfleoedd cyllido a gwella diogelwch wrth hyrwyddo gweithgarwch corfforol a llesiant. Rydyn ni yma i’ch cefnogi chi ar bob cam o’r ffordd.

Meithrin sgiliau

Mae ein rhaglen Teithiau Llesol yn gweithio gydag ysgolion ledled Cymru, i greu diwylliant sy’n ei gwneud yn haws i blant gerdded, neu deithio ar olwynion, sgwter neu feic.

Mae’r rhaglen yn cynnig amrywiaeth o gymorth ac arweiniad i ysgolion gan gynnwys gweithgareddau newid ymddygiad, hyfforddiant sgiliau beicio a reidio sgwter, gwersi sy’n canolbwyntio ar deithio llesol, cymhellion i gymuned yr ysgol sy’n hyrwyddo cerdded a theithio ar olwynion, ar feic ac ar sgwter a llawer mwy.

Gwobrwyo a dathlu

Mae Gwobr Ysgol Teithio Llesol Sustrans yn dathlu ac yn cydnabod ysgolion yng Nghymru sy’n mynd ati i hyrwyddo cerdded a theithio ar olwynion, ar feic ac ar sgwter.

Cofrestrwch eich ysgol heddiw a gweithio tuag at achrediad Efydd, Arian neu Aur drwy wneud newidiadau cadarnhaol ar gyfer dyfodol mwy llesol a chynaliadwy i’ch ysgol a’ch cymuned.

Creu llwybrau diogel i’r ysgol

Mae ein rhaglen Strydoedd Ysgol yn mynd i’r afael â’r pryderon ynghylch tagfeydd, ansawdd aer gwael a diogelwch ar y ffyrdd y mae llawer o ysgolion yn eu profi.

Rydyn ni’n gwneud hyn drwy gyfyngu ar draffig moduron wrth gatiau’r ysgol am gyfnod byr, yn gyffredinol ar amseroedd gollwng a chasglu teithwyr.

Dysgwch sut gallwn ni gefnogi eich ysgol neu’ch awdurdod lleol i dreialu a rhoi Stryd yr Ysgol ar waith yn eich ardal chi.

Ysgogi cymuned eich ysgol

Beth am gychwyn menter teithio llesol yn eich ysgol ac annog plant i deithio i'r ysgol ac oddi yno mewn ffordd iach, gydag un o’n digwyddiadau cenedlaethol a chystadlaethau i ysgolion.

Cofrestrwch eich ysgol ar gyfer her Stroliwch a Roliwch Sustrans, sef her fwyaf y DU i annog pawb i gerdded, neu deithio ar olwynion, ar sgwter neu ar feic.

Gallwch hefyd annog eich ysgol i gadw'n heini gyda'r Wythnos Beicio i'r Ysgol a gynhelir bob blwyddyn.

Adnoddau teithio llesol a Chwricwlwm Cymru

Porwch drwy ein hadnoddau rhad ac am ddim er mwyn i chi gyflwyno teithio llesol i’ch ystafell ddosbarth, yn unol â Chwricwlwm newydd Cymru.

Mae’r adnoddau’n cynnig cymorth defnyddiol a gweithgareddau ymestyn camau cynnydd sy’n caniatáu i bob athro deilwra cynnwys ar gyfer yr holl ddisgyblion yn eu dosbarthiadau.

Porwch drwy ein hadnoddau rhad ac am ddim i gael rhagor o wybodaeth.