Heddiw mae Iechyd Cyhoeddus Lloegr wedi cyhoeddi adolygiad tystiolaeth ymyriadau o ansawdd aer, sy'n amlinellu cyfres o argymhellion ar sut y gall y llywodraeth wella ansawdd aer, gan gynnwys gwahardd ceir y tu allan i ysgolion, buddsoddi mwy mewn trafnidiaeth gyhoeddus lân a llwybrau troed a beicio yn ogystal â chyflwyno prisio ffyrdd.
Dywedodd Dr Andy Cope, Cyfarwyddwr Mewnwelediad, Ymchwil a Monitro yn Sustrans, yr elusen cerdded a beicio, sydd wedi cyfrannu at yr Adolygiad: "Mae'r adolygiad hwn yn gam sylweddol ymlaen o ran darparu arweiniad clir i fynd i'r afael â phob math o lygredd aer, gan gynnwys allyriadau trafnidiaeth ffyrdd.
"Mae angen newidiadau radical yn y ffordd rydym yn teithio. Mae corff cynyddol o dystiolaeth sy'n dangos y gall buddsoddi mewn cerdded a beicio a'u hannog wneud cyfraniad mawr at leihau llygredd aer ar ochr y ffordd. Yr her nawr yw cysylltu'r dystiolaeth â newidiadau deddfwriaethol, ac â mesurau ymarferol.
"Mae'r adolygiad hwn yn alwad benodol i weithredu i lywodraethau ar bob lefel uno polisïau trafnidiaeth, iechyd ac ansawdd aer fel y gallwn leihau allyriadau o gerbydau modur ar draws y DU yn effeithiol wrth ryddhau manteision iechyd o gynyddu cerdded a beicio.
"Yn yr un modd, mae'n atgoffa Llywodraeth y DU ar frys i ddangos arweinyddiaeth trwy greu deddfwriaeth aer glân newydd sy'n mynd i'r afael â phob math o lygredd aer."
Am fwy o wybodaeth a chyfweliadau, cysylltwch â:
Anna Galandzij, Uwch Swyddog y Wasg yn Sustrans, anna.galandzij@sustrans.org.uk, 07557 915648
Liv Denne, Swyddog y Wasg a'r Cyfryngau yn Sustrans,liv.denne@sustrans.org.uk , 07768 035318