Mae Sustrans Cymru yn croesawu'n gynnes adroddiad Grŵp Tasglu 20mya Llywodraeth Cymru sy'n nodi cynlluniau i wneud 20mya y terfyn cyflymder diofyn mewn ardaloedd preswyl yng Nghymru.
Cyflymder traffig gormodol mewn ardaloedd trefol yw achos llawer o wrthdrawiadau ffyrdd ac anafiadau yng Nghymru, sy'n dal ymhell uwchlaw'r targedau a osodwyd gan y Llywodraeth.
Bydd gosod terfyn o 20mya ar y rhan fwyaf o ffyrdd a strydoedd trefol yn arwain at wneud ffyrdd yn fwy diogel i bobl, yn enwedig plant a phobl ifanc, yn ogystal â mwy o gerdded a beicio.
Dywedodd Ryland Jones, Dirprwy Gyfarwyddwr Sustrans Cymru:
"Mae Sustrans yn cefnogi terfyn cyflymder rhagosodedig o 20 mya mewn ardaloedd preswyl ledled Cymru yn gryf i wneud taith pawb yn fwy diogel.
"Mae hwn yn gam enfawr ymlaen ar fater a fydd yn achub bywydau, yn arbennig o fuddiol i'r bobl fwyaf agored i niwed mewn cymdeithas, gan gynnwys plant a phobl ag anableddau.
"Gall 20mya hefyd helpu i leihau goruchafiaeth canfyddedig cerbydau modur ar ein strydoedd gan helpu i greu strydoedd a lleoedd sy'n fwy deniadol i bobl gerdded, beicio a mwynhau.
"Mae rhyngweithio cymdeithasol yn bwysicach nag erioed ar hyn o bryd a bydd y mesur hwn yn helpu i sicrhau bod ein strydoedd yn gallu cefnogi hyn yn y dyfodol."