Mae Sustrans eisiau cenedl lle mae pobl yn teimlo'n ddiogel yn beicio mewn dillad bob dydd oherwydd bod y seilwaith cywir ar waith sy'n caniatáu i bawb deimlo'n gyfforddus yn beicio a cherdded teithiau byr.
Nid oes tystiolaeth bendant i ddangos bod gwisgo dillad hi-vis yn cyfrannu at well diogelwch plant ac oedolion sy'n beicio i'r ysgol ac yn ôl, ond mae rhai pobl yn hoffi ei wisgo gan ei fod yn gwneud iddynt deimlo'n fwy diogel.
Mae Sustrans yn credu y dylai'r hyn rydych chi'n dewis ei wisgo wrth feicio fod yn fater o ddewis personol - mae hyn yn cynnwys gwisgo dillad hi-vis. Rydym yn llwyr gefnogi'r angen i ddefnyddio goleuadau beicio blaen a chefn ac adlewyrchwyr cefn yn ystod oriau o dywyllwch fel y nodir yn y gyfraith. Y tu hwnt i hynny, mater i'r unigolyn ydyw.
Os ydym am lwyddo i alluogi pob plentyn ac oedolyn i gerdded, beicio neu sgwtera ar gyfer y teithiau hyn, bydd angen i ni ailgynllunio ein strydoedd ar gyfer pobl, nid ceir. Mae angen i lywodraethau ledled y DU fuddsoddi a darparu seilwaith sy'n galluogi rhwydwaith cyflawn o fannau diogel, deniadol a gwarchodedig i bawb gerdded, beicio a sgwtera yn ein trefi, ein dinasoedd a'n cefn gwlad.